Sipas të dhënave të KQZ-së më së shumti votues deri në orën 11:00 që kanë shfrytëzuar të drejtën e tyre janë nga komunat veriore.

Në Komunën e Leposaviqit deri më tani kanë votuar 20 për qind e qytetarëve, shkruan arbresh.info.

Në Komunën e Novobërdës deri më tani kanë votuar 16.89 për qind e qytetarëve.

Në Zveçan deri më tani kanë votuar 18.95 për qind e qytetarëve.

16.30 për qind e qytetarëve deri më tani kanë votuar në Graqanicë.

Në Mitrovicën e Veriut deri më tani kanë votuar 16.27 për qind e qytetarëve.

Qytetarët e Kosovës po shfrytëzojnë sot të drejtën për të zgjedhur përfaqësuesit e Legjislativit dhe Ekzekutivit.

Lista përfundimtare e votuesve për zgjedhjet e parakohshme për Kuvendin e Republikës së Kosovës përmban 1,937,869 emra të votuesve, me dallim prej 111,733 votues më shumë, në krahasim me Zgjedhjet Lokale të datës 22 tetor të vitit 2017, shkruan arbresh.info.

Numri i Qendrave të Votimit (QV) është 895. Katër 4 qendra të votimit më pak se në zgjedhjet lokale, të datës 22 tetor të vitit 2017, dhe numri i vendvotimeve është 2 mijë e 547, pra janë 42 vendvotime më shumë se në zgjedhjet lokale të datës 22 tetor.

Për të votuar më 6 tetor votuesi duhet ta ketë me vete, për identifikim, ndonjërin nga këto 4 dokumente të Republikës së Kosovës:

1. Letërnjoftim i vlefshëm;
2. Pasaportë e vlefshme;
3. Dokument i vlefshëm i udhëtimit, dhe
4. Leje e vozitjes e vlefshme.

Ky vendim vlen për çdo anëtar të këshillit të vendvotimit dhe për çdo Komision Komunal të Zgjedhjeve në të gjitha komunat e Republikës së Kosovës./arbresh.info/